काठमाडौं । साँघुरो अन्तरको जितका साथ पूर्व विजेता काठमाडौं रेजर्स फुटबल क्लब जारी तेस्रो नेपाल सुपर लिगतर्फ लिगतालिकाको तेस्रो स्थानमा उक्लिएको छ ।

दशरथ रंगशालामा मंगलबार भएको खेलमा काठमाडौंले बुटवल लुम्बिनी फुटबल क्लबमाथि १–० को झिनो अन्तरको जित निकाल्यो । खेलको ८९औं मिनटमा अमदु डियोपले गरेको एक मात्र गोल काठमाडौंलाई महत्वपूर्ण तीन अंक दिलाउन निर्णायक गोल बन्यो ।

यो जितपछि ४ खेलबाट ५ अंक जोडेको काठमाडौं लिगतालिकाको तेस्रो स्थानमा छ । पराजित बुटवल लुम्बिनी १ अंकका साथ पुछारमा छ । र, प्ले अफ होडबाट लगभग बाहिरिने संघारमा पुगेको छ । शिर्ष स्थानमा भने ३ खेलबाट ७ अंक जोडेको चितवन रहेको छ ।