पौवादुङमा । सुप्ला फुटबल समिती, पौवागुङमा गाउँपालिका-५, सुप्ला, भोजपुरको आयोजनामा दशैं र दिपावलीको अवसरमा आउँदो असोज १६ गतेदेखी खुला तथा भेट्रान वार्डस्तरीय फुटबल प्रतियोगिता हुने भएको छ ।

श्री महाबिर आधारभुत विधालयको खेलमैदानमा हुने प्रतियोगिताको असोज १५ गतेसम्म टिमदर्ता पनि खुला गरिएको छ । टिमदर्ता शुल्क खुलातर्फ ४००० र भेट्रानतर्फ १००० तोकिएको छ । साथै धरौटी बापत १००० बुझाउनुपर्ने पनि आयोजकले जानकारी दियो ।

प्रतियोगिताको खुलातर्फ विजेताले उपाधिसहित नगद ५१००० हात पार्नेछ भने उपविजेताले २५,५०० सहित ट्रफी, मेडल र प्रमाणपत्र प्राप्त गर्नेछ । त्यस्तै भेट्रानतर्फ विजेताले उपाधिसहित १० हजार हात पार्नेछ भने उपविजेताले ५ हजार सहित ट्रफी, मेडल र प्रमाणपत्र प्राप्त गर्नेछ ।