काठमाडौं । फिफा निलम्बन फुकुवा नभएपछि नेपाल यस वर्ष हुने प्रतिष्ठित साफ च्याम्पियनसिपबाट आधिकारिक रुपमा बाहिरिएको छ ।

साफले शनिबार निकालेको ड्र अनुसार दक्षिण एसियाका कुल ६ टोलीहरुलाई दुई समूहमा विभाजन गरिएको छ । जहाँ नेपाल भने छैन ।

समूह ए मा आयोजक बंगलादेशसँगै भुटान र श्रीलंका छन् । समूह बी मा भारत, माल्दिभ्स र पाकिस्तान रहेका छन् ।

यस वर्षको साफ च्याम्पियनसिप आउँदो नोभेम्बर ४ देखि १७ तारीखसम्म बंगलादेशको ढाकामा आयोजना हुनेछ ।

योसँगै साफ च्याम्पियनसिपको इतिहासमा नेपाल पहिलोपटक सहभागिता जनाउनबाट समेत बञ्चित भएको छ ।