काठमाडौं । एएफसी च्यालेञ्ज लिगको प्रारम्भिक चरणको छनौट खेल खेल्ने तयारीमा रहेको नेपालको लिग च्याम्पियन चर्च ब्वाईज युनाइटेडले त्यसका लागि आफूहरुको तयारी पूरा भएको जानकारी गराएको छ ।

शुक्रबार चर्च ब्वाईजले पत्रकार सम्मेलनको आयोजना गरिने क्लबको तयारी पूरा भएको जानकारी गराएको हो । छोटो समयको तयारी भए तापनि क्लबले एएफसी च्यालेञ्ज लिगमा आफ्नो चुनौति पेश गर्न तयार रहेको क्लबका मुख्य प्रशिक्षक बालगोपाल महर्जनले बताए । साथै उनले खेलमा राम्रो नतिजा ल्याउनेमा आशावादी रहेको प्रतिक्रिया समेत दिए ।

स्मरण रहोस, चर्च ब्वाईजले एएफसी च्यालेञ्ज लिगको प्रारम्भिक चरणको छनौट खेलतर्फ यही साउन २९ गते (अगस्त १३ तारीख) का दिन भुटानको लिग च्याम्पियन पारो फुटबल क्लबसँग खेल्दैछ । जुन खेल काठमाडौं स्थित दशरथ रंगशालामा हुनेछ ।

चर्च ब्वाईजको फाइनल स्क्वाड:

गोलकिपर्स: टिकेन्द्र थापा, दिप कार्की, रेम्बो चौधरी

डिफेन्डर्स: छिरिङ लामा, एकराज बुढाथोकी, ओमोलजा करीम, सौभाग्री राई, अनन्त तामाङ, योगेश गुरुङ, सनिष श्रेष्ठ

मिड्फिल्डर्स: एरिक विष्ट, पिटर बाण्डा, सन्तोष खत्री, बिबेक पौडेल, रोहन कार्की, लाकेन लिम्बू, मनिष जर्घा

फरवार्डस: अन्जन विष्ट, मोसेस टुम, निरज चौधरी, आयुष घलान, सन्जीब विष्ट, आदित्य शाक्य