काठमाडौं । ललितपुर सिटी फुटबल क्लबका मुख्य खेलाडी मध्ये एक मणि लामाले तेस्रो नेपाल सुपर लिगको फाइनल खेल्ने पाउने भएका छन् ।

लिगको पहिलो क्वालिफायरतर्फ धनगढी विरुद्ध ललितपुरले जित निकाले तापनि सो खेलम विवादास्पद रुपमा रातो कार्ड पाएका मणिले फाइनल खेल्ने अनिश्चित बनेको थियो ।

मणिलाई देखाइएको रातो कार्ड विरुद्ध ललितपुरले अपिल समेत गरेको थियो । त्यसपश्चात् लिगको आयोजक संस्था नेपाल स्पोर्टस एण्ड इभेन्ट म्यानेजमेन्ट प्रा.लि.ले विस्तृत छानबिन गरी मणिलाई देखाइएको उक्त रातो कार्डको निर्णय रद्द गरेको छ ।

सोही निर्णयका अनुसार मणिले आउँदो शनिबार हुने लिगको फाइनल खेल्ने पनि पक्का भएको छ । मणिले फाइनल खेल्न पाउने भएपछि ललितपुर सिटी क्लब पनि थप आत्मविश्वासी बनेको छ ।