काठमाडौं । फ्रिडम फाउण्डेशन तथा फ्रिडम सिनियर सर्भिसेज, केन्टुकी, अमेरिकाको आयोजनामा त्यहाँ रहेका प्रवासी नेपालीहरुबीच ४५ वर्ष माथि उमेर समूहको भेट्रान्स फुटबल प्रतियोगिता हुने भएको छ ।

यही आउँदो अगस्त ३१ देखि सेप्टेम्बर १ तारीखसम्म हुने प्रतियोगिताको आवश्यक तयारी पनि अन्तिम चरणमा रहेको आयोजकले जानकारी दियो । साथै इच्छुक टोलीहरुका लागि टिमदर्ता पनि खुला गरिएको छ ।

लुइसभिले, केन्टुकीमा हुने प्रतियोगिताको विजेताले उपाधिसहित नगद ६ हजार अमेरिकी डलर हात पार्नेछ भने उपविजेताले ४ हजार अमेरिकी प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।