काठमाडौं । नेपालका उदाउँदा मिडफिल्डर सन्तोष खत्रीले भुटानको शिर्ष फुटबल लिग बब भुटान प्रीमियर लिग खेल्ने पक्का भएको छ ।

सन्तोषलाई हाल भुटानको शिर्ष लिग खेलिरहेको ट्रान्सपोर्ट युनाइटेडले यस सिजनका लागि अनुवन्ध गरेको छ । क्लबले सन्तोषको अनुवन्धबारे आफ्नो सामाजिक सञ्जालमार्फत समेत घोषणा गरिसकेको छ ।

हाल ५ खेलबाट १२ अंक जोडेको ट्रान्सपोर्ट लिगतालिकाको तेस्रो स्थानमा छन । शिर्ष स्थानमा भने १५ अंकका साथ पारो एफसी रहेको छ ।

स्मरण रहोस, सन्तोषले नेपाल मै रहँदा गत सिजन ललितपुर सिटी फुटबल क्लबबाट खेल्दै नेपाल सुपर लिगको उपाधी समेत जितेका थिए ।