तेह्रथुम जिल्लाको आठराई गाउँपालिका २ झाँक्री गुफास्थित खेलमैदानमा आयोजित प्रथम आठराई गाउँपालिका अध्यक्ष रनिङ कप फुटबल प्रतियोगिताको महिलातर्फको उपाधि पोखरी मावि छातेले रक्षा गरेको छ ।

फेदाप खेलकुद विकास समितिलाई १-० गोलले पराजित गर्दै छातेले उपाधि रक्षा गरेको हो ।

आज भएको फाइनल खेलमा छातेका लागि मनिता कन्दाङ्वाले गरेको गोल नै उपाधि रक्षाका लागि निर्णायक सावित भयो ।

खेलको ५औँ मिनेटमा मनिताले फेदापविरुद्ध गोल गरेकी थिइन् ।

प्रतियोगिताको विजेता छातेले नगद ६० हजार र रनिङ ट्रफी पाएको छ भने उपविजेता फेदापले नगद ४० हजार र ट्रफीमा चित्त बुझायो ।