काठमाडौं । पहिलोपटक अन्तर्राष्ट्रियस्तरमा क्लब फुटबल खेलेको एपिएफ फुटबल क्लबले एएफसी महिला च्याम्पियन्स लिगको प्रारम्भिक समूह चरणको खेलतर्फ हारका साथ प्रतियोगिताको शुरुवात गरेको छ ।

समूह सी मा रहेको एपिएफले आइतबार खेलेको आफ्नो पहिलो खेलमा उज्वेकिस्तानको पिएसएफ नसाफसँग शून्यका विरुद्ध १ गोलले पराजित हुन पुग्यो । खेलको ४९औं मिनटमा लिली लवरेन्सले गरेको एक मात्र गोल नसाफको जितमा निर्णायक गोलब न्यो ।

एपिएफले समूह चरणको आफ्नो दोस्रो तथा अन्तिम खेल भदौ १२ गते (२८ अगस्त) का दिन घरेलु टोली सवाह एफसीसँग खेल्नेछ ।