काठमाडौं । उपाधिका लागि दुई बलिया प्रत्याशी एपिएफ फुटबल क्लब र त्रिभुवन आर्मी फुटबल क्लबले जितका साथ एन्फा महिला लिगको पहिलो चरणको यात्रा समापन गरेका छन ।

सातदोबाटो स्थित एन्फा कम्प्लेक्समा भएको पहिलो खेलमा एपिएफले बागमती युथ क्लबमाथि ७–० को जित निकाल्दा आर्मीले कर्णाली प्रदेशलाई ५–० ले हरायो । स्मरणीय छ, एपिएफ र आर्मी यसअघि नै सुपर लिग चरणमा प्रवेश गरिसकेका छन् ।

शुक्रबारको नतिजापछि ९ खेलबाट २५ अंक जोडेको एपिएफ शिर्ष स्थानमा यथावत छ । पराजित बागमती भने १० अंकका साथ छैठौं स्थानमा रहेर लिगको समापन गर्न बाध्य बनेको छ ।

त्यस्तै आर्मीले कर्णालीमाथि जित हात पारेपछि १० खेलबाट २२ अंकका साथ दोस्रो स्थानमा छ । पराजित कर्णाली भने ४ अंकका साथ लिगतालिका को नवौं स्थानमा रहेर सिजनको समापन गरेको छ ।