तामाफोक । किरातीहरुको महान पर्व उभाौली (चासुवा) को अवसर पारी मिर्मिरे युवा क्लब, धर्मदेवी–२, तामाफोकको आयोजनामा आउँदो पौष २ देखि ६ गतेसम्म १८औं गोधुली कप फुटबल प्रतियोगिता हुने भएको छ ।

धर्मदेवी–२, तामाफोक स्थित तुमोक खेलमैदानमा हुने प्रतियोगिताको भौतिक, प्राविधिक लगायत अन्य आवश्यक तयारीहरु पनि अन्तिम चरणमा रहेको आयोजकले जानकारी दियो ।

प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै सान्त्वना पुरस्कार सहित विधागततर्फ पनि उचित पुरस्कारको व्यवस्था गरिएको आयोजकले जनाएको छ ।