काठमाडौं । भारतको चर्चित महिला आई लिग खेल्न बुधबार मात्र भरत पुगेका नेपालका दुई मिडफिल्डरद्वय सरु लिम्बू र रेनुका नगरकोटीले पहिलो खेल मै जित हात पारेका छन ।

लिगमा किकस्टार्ट एफसीका लागि बिहीबार आफ्नो पहिलो खेलमा पहिलो रोजाईमै उत्रिएका सरु र रेनुकाको टोलीले निता फुटबल एकेडेमीलाई १-० ले हरायो । किकस्टार्टका लागि दोस्रो हाफको शुरुवाततिर किरनले गोल गरिन ।

खेलमा सरु र रेनुकाले टोलीका लागि पूरा समय खेले र टोलीको जितमा महत्त्वपूर्ण योगदान समेत दिए ।

यो जितसँगै आठ खेलबाट ९ अंक जोडेको किकस्टार्ट लिगतालीकाको शिर्ष तीनको होडमा उक्लिएको छ ।