काठमाडौं । युएईमा रहेका प्रवासी नेपालीहरुबीच भाईचारा, आत्मियता र मनोरञ्जन आदानप्रदान गर्ने उद्देश्यका साथ आयोजित सैफ जोन भेट्रान्स कप फुटबल प्रतियोगिताको उपाधि ग्रीन सिटी इलाम भेट्रान्सले जितेको छ ।

युएईको शारजाहमा भएको खेलमा ग्रीन सिटी इलाम भेट्रान्सले लमजुङ फुटबल क्लबलाई हराउँदै उपाधि जित्न सफल भएको हो । युएईको कुल १२ नेपाली कम्युनिटी क्लबहरु सहभागि प्रतियोगिताको फेयर प्ले अवार्ड आइक्याड फुटबल क्लब, अबुधाबीले हात पार्यो ।

विधागततर्फ विजेता टोली ग्रीन सिटी इलाम भेट्रान्स कै वर्चश्व रह्यो । प्रतियोगिताको उत्कृष्ट गोलरक्षक, उत्कृष्ट डिफेन्डर र सर्वश्रेष्ठ खेलाडी ग्रीन सिटी इलामका क्रमशः सन्तोष गुरुङ्ग, स्वीकार राई र मान पुलामी मगर घोषित भए । सर्वाधिक गोलकर्ताको पुरस्कार भने लमजुङ एफसीका तारा गुरुङ्गले हात पारे ।