काठमाडौं । एन्फा यु–१६ युथ लिगतर्फ विभागीय टोली एपिएफ फुटबल क्लब, संकटा फुटबल क्लब र श्री भगवती क्लबले आ–आफ्नो खेलमा जित हात पार्दै महत्वपूर्ण ३–३ अंक बटुलेका छन् ।
सातदोबाटो स्थित एन्फा कम्प्लेक्समा भएको पहिलो खेलमा एपिएफले अर्को विभागीय टोली त्रिभुवन आर्मी फुटबल क्लबलाई ३–१ ले पराजित गर्यो । यो जितपछि ५ खेलबाट ६ अंक जोडेको एपिएफ नवौं स्थानमा उक्लेको छ । पराजित आर्मी भने ३ अंकका साथ १२औं स्थानमा संघर्षरत छ ।
दोस्रो खेलमा संकटाले प्लानिङ ब्वाईज युनाइटेडलाई ४–१ ले पराजित गर्यो । यो जितपछि पाँच खेलबाट १२ अंक जोडेको संकटा तेस्रो स्थानमा उक्लेको छ । पराजित प्लानिङ ब्वाईज भने ३ अंकका साथ पुछारतिर १३औं स्थानमा छ ।
त्यस्तै तेस्रो खेलमा श्री भगवतीले एनआरटीमाथि शून्यका विरुद्ध १ गोलको महत्वपूर्ण जित हात पार्यो । यो जितपछि ६ अंक जोडेको भगवती शिर्ष दशभित्र उक्लिएको छ । पराजित एनआरटी भने ५ अंकका साथ ११औं स्थानमा झरेको छ ।
- बालोदय बोर्डिङ स्कुललाई पाँचौँ वडाध्यक्ष कपको उपाधि
- फ्रेण्डस क्लबका पूर्व अध्यक्ष राणाको निधन
- साफ महिला च्याम्पियनसिपका लागि ३५ खेलाडीहरु बन्द प्रशिक्षणमा बोलाइए
- सरकारको योजनाः सातै प्रदेशमा रंगशाला, खेल प्रशासनमा राजनैतिक नियुक्ति खारेज (पत्रसहित)
- विराज र विकेशको ट्वेल्व फुटबल ट्रेनिङ सेन्टरले समर क्याम्प आयोजना गर्ने