काठमाडौं । एएफसी महिला च्याम्पियन्स लिगको प्रारम्भिक चरणको छनौट खेलतर्फ पहिलो खेलमा पराजित हुन पुगेको प्रिती राईको टोली इतिहाद क्लबले दोस्रो खेलमा आफ्नो पहिलो जित दर्ता गरेको छ ।

समूह सी तर्फको आफ्नो दोस्रो खेलमा बिहीबार इतिहादले किर्गिस्तानको एफसी एसियागोललाई ३–१ ले हराउँदै पहिलो जित हात पारेको हो । खेलमा प्रितीले पनि पहिलो रोजाई मै रहेर खेलेकी थिईन् ।

यो जितसँगै इतिहादको एएफसी महिला च्याम्पियन्स लिगको समूह चरणमा छनौट हुने सम्भावना समेत कायम छ । आफ्नो समूहको अन्तिम खेलमा इतिहादले ३१ अगस्त आइतबारका दिन घरेलु टोली मलेसियाको केलना युनाइटेडको सामना गर्नेछ ।

स्मरण रहोस, इतिहादले आफ्नो पहिलो खेलमा सिंगापुरको लायन सिटी सेलर्ससँग २–० को स्तब्धपुर्ण हार बेहोरेको थियो ।