काठमाडौ. । उत्कृष्ट लयमा देखिएको पाकिस्तान जारी साफ यु–१७ च्याम्पियनसिपको आफ्नो समूहबाट सेमिफाइनलमा प्रवेश गरेको छ ।

समूह बी तर्फ आफ्नो पहिलो खेलमा भुटानलाई ४–० ले हराएको पाकिस्तानले शुक्रबार दोस्रो खेलमा माल्दिभ्समाथि ५–२ को प्रभावशाली जित निकालेको हो ।

यो जितपछि २ खेलबाट ६ अंक जोडेको पाकिस्तान समूह बी को शिर्ष स्थानमा छ । पाकिस्तानले अब समूह चरणको अन्तिम खेलमा २२ सेप्टेम्बरका दिन चिरप्रतिद्वन्द्वी भारतको सामना गर्नेछ ।

त्यस्तै एक खेलबाट ३ अंकका साथ दोस्रो स्थानमा रहेको भारतले शुक्रबार नै भुटानको सामना गर्दैछ । माल्दिभ्स र भुटान भने अझैं अंकविहीन छन् ।