फिदिम । 'स्वास्थ्यको लागि खेलकुद, राष्ट्रको लागि खेलकुद' भन्ने मूल नारासहित पान्थर फुटसल, फिदिम–२ पल्लोटारको उद्घाटनको अवसरमा भव्य फुटसल प्रतियोगिता–२०८२ आयोजना हुने भएको छ। असोज ६ गतेदेखि ७ गतेसम्म सञ्चालन हुने प्रतियोगितामा पुरुष, महिला र भेट्रान्स तर्फ प्रतियोगिता हुनेछ।

खुला पुरुष तर्फ प्रथम हुने टोलीलाई रु. ४०,००० (ट्रफी र मेडल सहित) र द्वितीय हुने टोलीलाई रु. २०,००० (ट्रफी र मेडल सहित) प्रदान गरिनेछ। भेट्रान्स तर्फ प्रथम हुने टोलीले रु. २०,००० र द्वितीय हुने टोलीले रु. १०,००० पाउने छन्।

मैत्रीपूर्ण महिला तर्फ प्रथम र द्वितीय हुने टोलीलाई आकर्षक पुरस्कार वितरण गरिने आयोजक पान्थर फुटसलले जानकारी दिएको छ।

फिदिममा तीन जना युवाहरू (सागर जबेगु,रोधन केरूङ र मनोज केरूङ) मिलेर फुटसल तयार गरी सन्चालनमा ल्याएका हुन ।