कुञ्जलापुर । नवलपरासी–११ रुपन्देहीमा जारी ३७औं झरना रनिङ शिल्ड खुला नकआउट फुटबल प्रतियोगिताको सेमिफाइनलमा प्रवेश गरेको छ ।

मंगलबार सम्पन्न क्वाटरफाइनलतर्फ नवलपरासीले आयोजक झरना स्पोर्टस क्लबलाई २–० ले हराउँदै अन्तिम चारमा स्थान बनाउन सफल भएको हो । नवलपरासीको जितमा पुर्ण बहादुर गुरुङ र मनिष थारुले गोल गरे ।

खेलमा उत्कृष्ट प्रदर्शन गर्नका बावजुद गोल गर्न नसक्दा घरेलु टोली झरना स्तब्ध बन्न पुग्यो । खेलमा नवलपरासीका गोलरक्षक माधव तिवारीले पनि दर्शनीय खेल प्रदर्शन गर्दै विपक्षी टोलीको गोल आक्रमणलाई तिस्तेज पारेका थिए ।

झरना स्पोर्टस क्लब, तिलोत्तमा–६, कुञ्जलापुरको आयोजनामा जारी प्रतियोगिताको विजेताले उपाधिसहित नगद ३ लाख ८१ हजार हात पार्नेछ भने उपविजेताले १ लाख ८५ हजार प्राप्त गर्नेछ । फाइनल खेल यही असोज १३ गतेका दिन हुनेछ ।