भद्रपुर । चन्द्रगढी युवा क्लब, भद्रपुर, झापाको आयोजनामा यही मंसिर ११ गतेदेखि शुरु हुन गईरहेको स्व. आलोक भण्डारी र संजिव गिरी स्मृति दोस्रो चन्द्रगढी कप फुटबल प्रतियोगिताको तयारी पूरा भएको छ ।

आयोजकले प्रतियोगिताको खेलतालिका पनि सार्वजनिक गरेको छ । उद्घाटन खेलमा मंसिर ११ गतेका दिन बेतना युनाइटेड क्लब, मोरङ र न्यु स्टार क्लब, खोपबाडी भिड्ने छन् । कुल आठ टोलीहरु सहभागि प्रतियोगिताको फाइनल खेल मंसिर २० गतेका दिन हुनेछ ।

प्रतियोगिताको विजेता, उपविजेता टोली तथा व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।