काठमाडौं । माल्दिभ्सको शिर्ष महिला लिग क्लब माजिया स्पोर्टसमा आवद्ध भएका नेपालका दुई चर्चित खेलाडीद्वय दिपा शाही र रेखा पौडेलले क्लबका लागि सुखद डेब्यु गरेका छन् ।

माजियाका लागि डेब्यु खेलमै रेखाले दुई गोल गर्दा दिपाको प्रदर्शन पनि उत्कृष्ट रह्यो । भिक्टोरी एससी विरुद्ध २–२ गोलको रोमाञ्चक बराबरी खेल्दा रेखाको नाममा दुवै गोल रह्यो ।

खेलमा माजियाका लागि रेखा र दिपा दुवैले पहिलो रोजाई मै रहेर खेले । खेल अवधिभर दिपाको प्रदर्शन पनि उत्कृष्ट रह्यो । यद्यपि माजियाले भिक्टोरीसँग अंक बाँड्न पुग्यो ।