बुधबारे । बुधबारे युथ क्लब, ६ नम्बर बुधबारे, धनकुटाको आयोजनामा यही पुष १५ गतेका दिन चार स्थानीय तह शिक्षक फुटबल प्रतियोगिता हुने भएको छ ।

श्री शारदा माविको खेलमैदानमा हुने प्रतियोगितामा चार स्थानीय तहका शिक्षकहरुको फुटबल टोली सहभागि हुनेछन् । जसमा चौबिसे गाउँपालिका धनकुटा, मिक्लाजुङ गाउँपालिका पाँचथर, माङसेबुङ गाउँपालिका इलाम र केराबारी गाउँपालिका मोरङ रहेका छन् ।

आउँदै गरेको तमु ल्होसार (पुष १५) को अवसर पारी शिक्षकहरु बीच आत्मियता, सहकार्य र मित्रभाव भूमिका कायम गर्ने उद्देश्यका साथ प्रतियोगिता आयोजना गरिएको आयोजकले जनाएको छ । साथै विजेता तथा उपविजेता टोलीहरुलाई उचित पुरस्कारको व्यवस्था समेत गरिएको आयोजकले जानकारी दियो ।