फर्साटिकर । सहज जितका साथ झरना स्पोर्टस क्लब, कुञ्जलापुर रुपन्देहीमा जारी १३औं शुद्धोदन फर्साटिकर कप खुला नकआउट फुटबल प्रतियोगिताको सेमिफाइनलमा प्रवेश गरेको छ ।

आइतबार भएको दोस्रो क्वाटरफाइनलमा झरनाले चाँदनी युवा क्लब, दानापुरलाई ४–० ले हराउँदै अन्तिम चारमा प्रवेश गरेको हो । झरनाको जितमा चारै गोल सुरज चौधरीले गर्दै ह्याट्रिक समेत पूरा गरे । खेलमा चार गोल गरेका झरनाका सुरज चौधरी नै म्यान अफ दि म्याच चुनिए ।

प्रतियोगिता अन्तर्गत पुष २१ गते सोमबारको तेस्रो क्वाटरफाइनल खेल पाहुना टोली कपिलवस्तु–११ र गोर्खा ब्वाईज स्पोर्टस क्लब, बुटवलबीच हुने खेल संयोजक रवि खड्काले जानकारी दिए ।

फर्साटिकर युवा क्लब, शुद्धोदन गाउँपालिका–४, फर्साटिकर, रुपन्देहीको आयोजनामा जारी प्रतियोगिताको विजेताले उपाधिसहित नगद ३,११,१११ रुपैयाँ हात पार्नेछ भने उपविजेताले १,५५,५५५ रुपैयाँसहित ट्रफी, मेडल र प्रमाणपत्र प्राप्त गर्ने आर्थिक संयोजक सिद्धान्त भट्टराई जानकारी दिए । फाइनल खेल यही पुष २६ गतेका दिन हुनेछ ।