सिंवाबजार । घरेलु टोली सिंवा स्र्पोटिङ क्लब र श्री लालीगुराँस स्र्पोटिङ क्लब यहाँ जारी प्रथम माघेनी मेला गोल्डकप खुला नकआउट फुटबल प्रतियोगिताको फाइनलमा प्रवेश गरेका छन् ।

आइतबार भएको पहिलो सेमिफाइनलमा सिंवा स्र्पोटिङले ड्रिम ब्वाईज फुटबल क्लबलाई ६–३ को अन्तरले हराउँदै फाइनल प्रवेश गरेको हो । सिंवाको जितमा दिपेश लिम्बु, पवन नेवाहाङ र जमिन लक्षमले समान दुई–दुई गोल गरे । उता पराजित ड्रिम ब्वाईजका लागि भने शुक्र लिम्बुले दुई गोल गर्दा थप एक गोल बिनम लिम्बुले गरे । खेलमा सिंवा स्र्पोटिङका जमिन लक्षम म्यान अफ दि म्याच बने ।

त्यस्तै आइतबार नै भएको दोस्रो सेमिफाइनलमा श्री लालीगुराँस स्र्पोटिङले बिसिएस मेमोरियल युथ क्लबलाई २–१ ले हराउँदै उपाधि नजिक पुग्न सफल भयो । श्री लालीगुराँस स्र्पोटिङका लागि दिपेश लिम्बु र हितेन लिम्बुले गोल गरे । पराजित बिसिएसका लागि भने मन्जित नुगोले एक मात्र गोल फर्काएका थिए । खेलमा विजयी टोलीका हितेन लिम्बु म्यान अफ दि म्याच बने ।

अब यही माघ ५ गते हुने फाइनलमा सिंवा स्र्पोटिङ क्लब र श्री लालीगुराँस स्र्पोटिङ क्लब उपाधिका लागि भिड्नेछन् ।

माघे मेला सञ्चालन समिति, सिंवाबजार, ताप्लेजुङको आयोजनामा जारी प्रतियोगिताको विजेताले उपाधिसहित नगद ३५२०८२ रुपैयाँ प्राप्त गर्नेछ ।