काठमाडौं (एजेन्सी) । अष्ट्रेलियामा जारी प्रतिष्ठित एएफसी महिला एसियन कप फुटबल प्रतियोगिता अन्तर्गत उत्तर कोरिया र साविक विजेता चीनले पनि विजयी शुरुवात गरेका छन् ।

मंगलबार भएको समूह बी तर्फको पहिलो खेलमा उत्तर कोरियाले उज्वेकिस्तानलाई ३–० को अन्तरले हराउँदै विजयी शुरुवात गर्यो । सोही समूहको अर्को खेलमा साविक विजेता चीनले नवप्रवेशी बंगलादेशलाई २–० को अन्तरले हरायो ।

समूह बी तर्फ दोस्रो खेलमा बंगलादेशले ६ मार्चका दिन उत्तर कोरियाको सामना गर्नेछ । त्यस्तै सोही दिन हुने अर्को खेलमा चीनले उज्वेकिस्तानसँग खेल्नेछ ।