काठमाडौं । नेपालका राष्ट्रिय खेलाडी कृतिष रत्न छन्जुले पनि भुटानमा व्यवसयाीक फुटबल खेल्ने तय भएको छ । क्षमतावान र मेहनती युवा मिडफिल्डरका रुपमा परिचित छुन्जुले थिम्पु सिटी फुटबल क्लबबाट व्यवसायीक फुटबल खेलने भएका हुन् ।

छुन्जुलाई अनुवन्ध गरेको कुरा थिम्पु सिटीले पनि आफ्नो आधिकारिक सामाजिक सञ्जालमार्फत जानकारी समेत गराएको छ । क्लबले उनलाई छिटै शुरु हुन गईरहेको भुटानी प्रिमियर लिग कै लागि अनुबन्ध गरेको बताइएको छ ।

केही साता अघिसम्म एनआरटीका लागि राष्ट्रिय लिग खेलेका छुन्जुले राष्ट्रिय लिग पनि नहुने भएपछि अब भुटानी क्लबमा आफ्नो क्षमता र मेहनत प्रदर्शन गर्नेछन् ।

नेपालको युथ हुँदै राष्ट्रिय टोलीमा समेत स्थान बनाईसकेका छुन्जुले नेपाल सुपर लिग (एनएसएल) को तेस्रो संस्करण धनगढी फुटबल क्लबका लागि समेत खेलेका थिए ।