चरङ्गे । सिद्धार्थ युवा क्लब, देवदहङ१०, चरङ्गेको आयोजनामा आइतबारदेखि शुरु दोस्रो सिद्धार्थ कप खुला सेभेन ए साईड फुटबल प्रतियोगिताको पहिलो दिन दुई खेलहरु सम्पन्न भएका छन् ।

देवदह–१०, चरङ्गे स्थित सुर्तीबारी खेलमैदानमा भएको पहिलो दिनको खेलमा सैनामैना एफसी र रम्बादेवी एफसीले आ–आफ्नो खेलमा जित हात पारेका छन् ।

दिनको पहिलो खेलमा सैनामैनाले ब्लडी ब्वाईजलाई ४–० को अन्तरले हरायो । खेलमा सैनामैनाका सुबास नेपाली म्यान अफ द म्याच बने ।

त्यस्तै दोस्रो खेलमा रम्बादेवीले हुक्का गाईजलाई २–१ ले पराजित गर्यो । खेलमा रम्बादेवीका दिपेश परियार म्यान अफ द म्याच चुनिए ।

त्यसअघि प्रतियोगिताको उद्घाटन कार्यक्रमका प्रमुख अतिथी देवदह–१० का वार्ड अध्यक्ष यक बहादुर सुनार, आयोजक क्लबका अध्यक्ष सरोज गुरुङ लगायतले संयुक्त रुपमा गरेका थिए ।

आउँदो जेठ ३० गतेसम्म चल्ने प्रतियोगिताको विजेताले उपाधिसहित नगद ५० हजार हात पार्नेछ भने उपविजेताले ३० हजार प्राप्त गर्ने खेल संयोजक बिसन परियारले जानकारी दिए । त्यस्तै विधागततर्फ पनि उचित पुरस्कारको व्यवस्था गरिएको उनले जानकारी दिए ।