सर्लाहीमा सम्पन्न पाँचौ राजर्षी जनक कप फुटबल प्रतियोगिताको बिजेता हेटौंडाको पिप्ले युवा क्लवले खेलाडीलाई सम्मान गरेको छ ।
बिहीबार हेटौंडामा एक कार्यक्रमको आयोजना गर्दै क्लवले खेलाडी एवम् प्रशिक्षक र म्यानेजरलाई नगद एवम् प्रमाणपत्र सहित सम्मान गरेको हो । सोमबार भएको फाइनल खेलमा आयोजक बागमती नगरपालिकालाई सडनडेथमा पराजित गर्दै पिप्लेले उपाधीसहित नगद १० लाख रुपैयाँ प्राप्त गरेको थियो ।
पिप्ले युवा क्लवका अध्यक्ष सुशील घिमिरेको अध्यक्षतामा भएको खेलाडी सम्मान कार्यक्रममा वडा अध्यक्ष राजेश बानियाँको प्रमुख आतिथ्यता रहेको थियो ।
वडा अध्यक्ष बानियाँले पिप्ले युवा क्लवलाई कहिल्यै पनि आर्थिक अभाव हुन नदिने उद्घोष गरे ।
कार्यक्रममा खेलकुद विकास समितिका कार्यालय प्रमुख दाहालले कोरोना विमा वापत प्राप्त रकम बाट निर्माणाधीम रंगशाला निर्माणको लागि १० हजार रुपैयाँ प्रदान गरेका छन्।
News
हेटौंडाको पिप्ले युवा क्लवले खेलाडीलाई सम्मान
Post Comments