काठमाडौं । चितवन गोल्डकप खेल्ने तयारीमा रहेको सशस्त्र प्रहरीको एपिएफ फुटबल क्लबले बिहीबार भएको मैत्रीपूर्ण खेलमा जित हात पारेको छ ।

एपिएफले अर्को विभागीय टोली नेपाल पुलिस क्लबसँगको मैत्रीपूर्ण खेलमा ३–२ को जित हात पारेको हो । एपिएफको जितमा नविन लामाले दुई गोल गरे भने थप एक गोल हरि कार्कीले गरे । उता पराजित पुलिसका लागि तिर्थ राना मगर र निर कुमार राईले गोल गरे ।

स्मरण रहोस, यहि भाद्र २५ गतेदेखि शुरु हुन गईरहेको चितवन गोल्डकपमा एपिएफले २९ गतेका दिन क्वाटरफाइनल खेल्नेछ । बाई पाएर सिधै क्वाटरफाइनल खेल्न अवसर पाएको एपिएफले उद्घाटन खेल आयोजक भरतपुर एफसी र मोतिहारी एफसी, भारतबीचको विजेतासँग प्रतिस्र्धा गर्नेछ ।