News चौथो थाहा गोल्डकप पौष २६ देखि
बिक्रम बानियाँ क्षेत्री

हेटौडा । थाहा नगरपालिका, मकवानपुरको आयोजनामा यहि पौष २६ गतेदेखि चौथो थाहा गोल्डकप राष्ट्रिय खुला नकआउट फुटबल प्रतियोगिता हुने भएको छ ।

मकवानपुर स्थित इन्द्रायणी चौरमा हुने प्रतियोगिताको आवश्यक तयारी पनि शुरु भईसकेको आयोजकले जानकारी दियो । आयोजकले प्रतियोगितामा सहभागिता जनाउन चाहने इच्छुक क्लबहरुका लागि आउँदो पौष २४ गतेसम्म टिमदर्ता गर्न सकिने जनाएको छ ।

प्रतियोगिताको विजेताले उपाधिसहित नगद २ लाख हात पार्नेछ भने उपविजेताले १ लाखसहित ट्रफी, मेडल र प्रमाणपत्र प्राप्त गर्ने प्रचार प्रसार संयोजक सुमन बिष्टले जानकारी दिए । त्यस्तै व्यक्तिगत विधातर्फ पनि आकर्षक पुरस्कारको व्यवस्था गरिएको उनले बताए ।

स्मरण रहोस, प्रतियोगिताको तेस्रो संस्करणको उपाधि अंगारा फुटबल क्लबले जितेको थियो । गोलनेपाल डटकम प्रतियोगिताको आधिकारिक मिडिया पार्टनर समेत रहेको छ ।

Post Comments