काठमाडौं । अखिल नेपाल फुटबल संघ (एन्फा) को कार्यसमिति सदस्य तथा एन्फा महिला कमिटी संयोजक सरिला श्रेष्ठ मलेकु एसियाली फुटबल महासंघ (एएफसी) को गरिमामय महिला कमिटी सदस्यमा चयन भएकी छिन् ।

एएफसीको महिला कमिटी सदस्यमा चयन हुने सरिला दक्षिण एसियाबाट एक्लो महिला सदस्य समेत हुन् । त्यस्तै एएफसीको महिला कमिटी अध्यक्षमा लाओसकी कन्या कियोमेनी चयन भएकी छिन् भने उपाध्यक्षमा प्यालेस्टाइनकी सुसान शलाबी मोलानो रहेकी छिन् ।

स्मरण रहोस, एएफसीको कार्यसमिति सदस्यमा एन्फाका अध्यक्ष पंकज विक्रम नेम्वाङ छन् भने केही दिन अघि मात्रै एन्फाका उपाध्यक्ष दावा लामा एएफसीको सामाजिक उत्तरदायित्व समितिको सदस्यमा नियुक्त भएका थिए ।