टोकरपुर । दोरम्बा शैलुङ स्पोर्टस क्लब, रामेछापको आयोजनामा आगामी कार्तिक ८ गतेदेखि दोरम्बा शैलुङ शहिद स्मृति कप खुला सेभेन ए साईड नकआउट फुटबल प्रतियोगिता हुने भएको छ ।

दोरम्बा शैलुङ गाउँपालिका–३ टोकरपुर स्थित स्थानीय खेलमैदानमा हुने प्रतियोगिताको आवश्यक तयारी पनि शुरु गरिसकिएको आयोजकले जानकारी दियो ।

प्रतियोगिताको विजेताले उपाधिसहित नगद २ लाख हात पार्नेछ भने उपविजेताले १ लाख ५० हजार प्राप्त गर्नेछ । त्यस्तै तेस्रो स्थान हासिल गर्ने टोलीले १ लाख प्राप्त गर्दा सान्त्वना पुरस्कार २५ हजार रहेको आयोजकले जानकारी दियो ।

विधागततर्फ उत्कृष्ट हुने खेलाडीहरुलाई पनि जनही ५–५ हजारका दरले नगद र ट्रफीसहित पुरस्कृत गरिने पनि आयोजकले जनाएको छ ।

प्रतियोगिताको आधिकारिक मिडिया पार्टनरमा गोलनेपाल डटकम रहेको छ ।