
निजगढ । दशरथ रंगशालामा यही असोज ४ देखि १३ गतेसम्म सञ्चालन भएको साफ यु–१९ च्याम्पियनसिपमा उत्कृष्ट प्रदर्शन गरेका नेपालका समिर तामाङ गृहजिल्ला बारामा सम्मानित भएका छन् ।
साफ यु–१९ च्याम्पियनसिपमा कुल तीन गोल गर्दै भारत र भुटानका खेलाडीसँगै संयुक्त रुपमा सर्वाधिक गोलकर्ताको पुरस्कार जितेका समिरलाई उनको नगदसहित सम्मानित गरिएको हो ।
निजगढ वडा नम्बर ८ का स्थायी वासिन्दा समिरलाई सोही वडा कार्यालयले नगद ५१ हजार र सम्मानपत्रसहित सम्मानित गरेको हो । समिरलाई एक कार्यक्रमका बीच निजगढ वडा नम्बर ८ का वडा अध्यक्ष सोनु लामाले नगदसहित सम्मानित गरेका हुन् ।
सम्मानित भएपछि समिरले खुशी व्यक्त गरे । यो सम्मानले आफुलाई आगामी दिनमा देशका लागि अझै राम्रो खेने हौसला मिलेको प्रतिक्रिया दिए ।
स्मरण रहोस, साफ यु–१९ च्याम्पियनसिपमा नेपाल सेमिफाइनलमा भारतसँग पराजित हुँदै प्रतियोगिताबाट बाहिरिएको थियो । भारत विरुद्ध समिरले नै रोमाञ्चक बराबरी गोल फर्काएका थिए । यद्यपि भारतले पेनाल्टी शुटआउटमा नेपाललाई हराउँदै फाइनल यात्रा तय गरेको थियो ।
फाइनलमा भने भारतले पाकिस्तानलाई ३–० ले हराउँदै उपाधि जित्न सफल भएको थियो ।
- फ्रिडम फाइटर भेट्रान क्लबलाई तेस्रो अन्तर्राष्ट्रिय सिमरा भेट्रान कप फूटबल प्रतियोगिताको उपाधी
- तेश्रो अन्तर्राष्ट्रिय सिमरा भेट्रान फुटबल : आज अन्तिम सेमिफाईनल खेल हुने, पर्सा र कास्की भिड्दै
- तेस्रो सिमरा भेट्रान कपको तयारी पूरा (खेलतालिकासहित)
- प्रथम कलैया भेट्रान कप भदौ तेस्रो सातादेखि
- बारालाई दोस्रो रामनारायण मिश्र स्मृति कपको उपाधि