चरिकोट । विजयादशमी, दिपावली, नेपाल सम्वत् तथा छठ पर्वको अवसर पारी दोलखा जिल्ला फुटबल संघको आयोजनामा यही कार्तिक १९ देखि २५ गतेसम्म बागमती प्रदेश क्लबस्तरीय खुला नकआउट फुटबल प्रतियोगिता हुने भएको छ ।

चरिकोट, दोलखा स्थित भिमेश्वर रंगशालामा हुने प्रतियोगिताको आवश्यक तयारीहरु पनि अन्तिम चरणमा रहेको आयोजकले जनाएको छ । प्रचार, प्रसार, मैदान व्यवस्थापन, आर्थिक, प्राविधिक लगायतका विषयहरुको तयारी पनि अन्तिम चरणमा रहेको आयोजकले जानकारी दियो ।

प्रतियोगिताको विजेताले उपाधिसहित नगद २ लाख ५० हजार हात पार्नेछ भने उपविजेताले १ लाख २५ हजारसहित ट्रफी, मेडल र प्रमाणपत्र प्राप्त गर्नेछ । त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।

साथै प्रतियोगिताको आधिकारिम मिडिया पार्टनरमा गोलनेपाल डटकम पनि रहेको छ ।