काठमाडौं । अखिल नेपाल फुटबल संघ (एन्फा) ले आउँदो फागुन १५ गतेदेखि आयोजना गर्न लागेको शहिद स्मारक सी डिभिजन लिग काठमाडौं बाहिर गराउने योजनामा रहेको छ । उपत्यका बाहिर सी डिभिजन लिग आयोजना गराउन आवश्यक गृहकार्य भईरहेको एन्फा महासचिव किरन राईले बताए ।

त्यसैबीच टिकेटिङ, मार्केटिइङ र डिजिटल राईट्स पाएको एमडिएसी र एन्फा बीच थप सहमति र सहकार्य पनि भएको छ । सहमति अनुसार यदि सी डिभिजन उपत्यका बाहिर आयोजना भए गेट टिकट बिक्रीबाट आम्दानी भएको रकमको ५० प्रतिशत एन्फालाई सहयोग गर्नुपर्नेछ ।

साथै उक्त रकमबाट उपत्का बाहिरका स्थानीय आयोजक र सहभागि क्लबहरुलाई थप सहयोग उपलब्ध गराइने पनि महासचिव राईले जानकारी दिए । यद्यपि काठमाडौं बाहिर कुन ठाउँमा सी डिभिजन लिग हुने हो, त्यसबारे भने अझै आधिकारिक रुपमा खुलाइएको छैन ।