काठमाडौं (एजेन्सी) । दावेदार मध्ये एक मानिएको दक्षिण कोरियालाई हराउँदै जोर्डन पहिलोपटक जारी एएफसी एसियन कपको फmाइनलमा प्रवेश गरेको छ । मंगलबार सम्पन्न पहिलो सेमिफाइनलमा जोर्डनले दक्षिण कोरियामाथि शून्यका विरुद्ध २ गोलको जित निकाल्दै ऐतिहासिक सफलता हासिल गरेको हो ।

अल रयन स्थित अहमद बिन अली स्टेडियममा भएको खेलको ५३औं मिनटमा याजन अल नैमतले पहिलो गोल गरे भने ६६औं मिनटमा मौसा अल तमारीले दोस्रो गोल गर्दै टोलीको ऐतिहासिक जित सुनिश्चित गरे ।

स्मरण रहोस, जोर्डन र दक्षिण कोरिया समूह चरणमा पनि एकै समुहमा रहेर भिडेका थिए । समूह चरणको खेलमा भने यी दुवै टोलीले २–२ गोलको बराबरी खेलेका थिए । जोर्डनले अब १० फेब्रुअरीका दिन हुने फाइनलमा बुधबार हुने दोस्रो सेमिफाइनलतर्फ इरान र आयोजक कतार बीचको विजेतासँग उपाधिका लागि भिड्ने छ ।