काठमाडौं । स्टार फरवार्ड साबित्रा भण्डारी नायक बनेको खेलमा लगातार दोस्रो र उत्कृष्ट जितका साथ नेपाल जारी वाफ महिला च्याम्पियनसिपको समूह बी बाट सेमिफाइनलमा प्रवेश गरेको छ ।

बिहीबार जेद्दाह स्थित किंग अब्दुलाह स्पोर्ट्स सिटी स्टेडियमा भएको खेलमा नेपालले इराकलाई शुन्यका विरुद्ध ५ गोलले हरायो । खेलमा नेपालका लागि पाँचै गोल साबित्रा भण्डारीले गरिन ।

यो जितसँगै नेपाल समूह बी बाट एक खेल अगावै सेमिफाइनलमा स्थान सुरक्षित गर्न सफल भएको छ । नेपालले समूह चरणको अन्तिम खेलमा शनिबार प्यालेस्टाइनसँग खेल्नेछ । सोही दिन इराकले सिरियाको सामना गर्नेछ ।