काठमाडौ । फ्रान्सको शिर्ष महिला लिगमा व्यवसायीक फुटबल खेलिरहेकी नेपालकी स्टार फरवार्ड साबित्रा भण्डारीको टोली गुइनग्याम्प रेलिगेशनबाट जोगिएको छ ।

बुधबार राती लिगलिडर लियोनसँग २-१ ले पराजित हुन पुगे तापनी गुइनग्याम्पले अर्को सिजन पनि शिर्ष डिभिजन मै रहने पक्का भएको हो ।

सो खेलमा साबित्रा भने वैकल्पिक खेलाडीका रुपमा दोस्रो हाफको ७३औं मिनटमा मैदानमा प्रवेश गरेकी थिईन । यद्यपि टोलीको हारलाई भने टार्न सकिनन ।

यो नतिजापछी २१ खेलबाट १६ अंक जोडेको गुइनग्याम्प रेलिगेशन क्षेत्रभन्दा एक स्थान माथी १०औं स्थानमा रहेको छ । जित हात पारेको लियोन भने ६१ अंकका साथ शिर्ष स्थानमा छ ।

गुइनग्याम्पले सिजनको अन्तिम खेलमा आउँदो मई ८ तारीखका दिन ले हाभ्रेसँग खेल्दै सिजनको समापन गर्नेछ ।