रिनुवाल । जिल्लामा महिला फुटबलको विकास र प्रवद्र्धन गर्ने उद्देश्यका साथ रिनुवाल फुटबल क्लब, रिनुवाल, ओखलढुङ्गाको आयोजनामा यही साउन २७ गतेदेखि भदौ १ गतेसम्म रिनुवाल खुला सेभेन ए साईड महिला लिग फुटबल प्रतियोगिता हुने भएको छ ।

ओखलढुङ्गाको मानेभञ्ज्याङ गाउँपालिकाको उँवु –३ स्थित ब्ओकुला फुटबल खेल मैदानमा हुने प्रतियोगिताको टिमदर्ता यही साउन २५ गतेसम्म खुला गरिएको छ । साथै टिमदर्ताका लागि ९७६६५४५२८१ मा सम्पर्क गर्न सकिने पनि आयोजकले जनाएको छ । टिमदर्ता शुल्क भने ४५०० तोकिएको छ ।

प्रतियोगिताको विजेताले उपाधिसहित नगद ३३,३३३ रुपैयाँ हात पार्नेछ भने दोस्रो हुनेले १६,००० रुपैयाँसहित ट्रफी, मेडल र प्रमाणपत्र प्राप्त गर्नेछ । त्यस्तै व्यक्तिगत विधातर्फ पनि उचित पुरस्कारको व्यवस्था गरिएको आयोजकले जानकारी दियो ।