काठमाडौं । भारतमा जारी प्रतिष्ठित १३३औं डुरान्ड कप अन्तर्राष्ट्रिय आमन्त्रण फुटबल प्रतियोगितामा नेपालबाट सहभागिता जनाइरहेको त्रिभुवन आर्मी फुटबल क्लबले आफ्नो पहिलो खेल खेल्दैछ ।

समूह एफमा रहेको आर्मीले समूह चरणतर्फको आफ्नो पहिलो खेलमा आज घरेलु टोली शिलोङ लाजोङ फुटबल क्लबसँग खेल्दैछ । क्लब फुटबलमा यी दुई टोली पहिलोपटक भिड्न लागेका हुन् ।

जुन खेल शिलोङ स्थित जवाहरलाल नेहरु स्टेडियममा नेपाली समय अनुसार ४ः१५ बजेदेखि शुरु हुनेछ । समूह एफमा आर्मी र शिलोङसँगै दुई इण्डियन सुपर लिग क्लब एफसी गोवा र हैदराबाद सिटी एफसी पनि छन् ।