शुक्लागण्डकी । जनसेवा स्पोर्टस क्लब, शुक्लागण्डकी–८, गणपति, तनहुँको आयोजनामा आउँदो भदौ १५ देखि २१ गतेसम्म १९औं तिज कप खुला सेभेन ए साईड नकआउट फुटबल प्रतियोगिता हुने भएको छ ।

शुक्लागण्डकी नगरपालिका–८, गणपति स्थित गाउँफर्कोदय माविको खेलमैदानमा हुने प्रतियोगिताको भदौ १४ गतेसम्म टिमदर्ता खुला गरिएको छ । साथै टिमदर्ता शुल्क ६५०० तोकिएको पनि आयोजकले जानकारी दियो ।

प्रतियोगिताको विजेताले उपाधिसहित नगद ८८,८८८ रुपैयाँ हात पार्नेछ भने उपविजेताले ४४,४४४ रुपैयाँसहित ट्रफी, मेडल र प्रमाणपत्र प्राप्त गर्नेछ । त्यस्तै व्यक्तिगत विधातर्फ पनि पुरस्कारको व्यवस्था गरिएको आयोजकले जनाएको छ ।

विस्तृत जानकारीका लागि सम्पर्क नम्बरहरु 9817177728, 9825124613, 9848443217 मा सम्पर्क गर्न सकिने पनि आयोजकले जानकारी दियो ।