काठमाडौं । नेपालको राष्ट्रिय यु–१७ फुटबल टोलीको टिम व्यवस्थापकमा बिजेन्द्र पुडासैनी नियुक्त भएका छन् । पुडासैनीलाई सोमबार अखिल नेपाल फुटबल संघ (एन्फा) का महासचिव किरन राईले नियुक्तिपत्र हस्तान्तरण गरे ।

भुटानमा आगामी सेप्टेम्बर १८ तारीखदेखि शुरु हुन गईरहेको साफ यु–१७ च्याम्पियनसिप र एएफसी यु–१७ एसियन कप छनौटका लागि हाल एन्फाले देशभरिबाट खुला खेलाडी छनौट गरी राष्ट्रिय यु–१७ टोली तयार पार्न केन्द्रिय छनौट कार्यक्रम सञ्चालन गरिरहेको छ ।

साफ यु–१७ च्याम्पियनसिपतर्फ समूह बी मा रहेको नेपालले आयोजक भुटानसँगै पाकिस्तान र श्रीलंकासँग खेल्ने कार्यक्रम छ । त्यस्तै समूह ए मा भने भारत, बंगलादेश र माल्दिभ्स रहेका छन् । प्रत्येक समूहको शिर्ष दुई टोली सेमिफाइनलमा प्रवेश गर्नेछ । फाइनल खेल सेप्टेम्बर २८ तारीखका दिन हुनेछ ।