धरान । हाम्रो फुटसल र नेचर क्लब, धरान, सुनसरीको संयुक्त आयोजनामा यही भदौ २७ र २८ गतेका दिन दोस्रो स्व. केपी राई मेमोरियल कप खुला फुटसल प्रतियोगिता हुने भएको छ ।

धरान–८, सभागृह राईन स्थित हाम्रो फुटसलमा हुने प्रतियोगिताको यही भाद्र १५ गतेसम्म टिमदर्ता खुला गरिएको छ । साथै टिमदर्ता शुल्क १५००० तोकिएको छ ।

प्रतियोगिताको विजेताले उपाधिसहित नगद २ लाख हात पार्नेछ भने उपविजेताले १ लाखसहित ट्रफी, मेडल र प्रमाणपत्र प्राप्त गर्नेछ ।

त्यस्तै प्रतियोगिताको सर्वोत्कृष्ट खेलाडीले नगद १५ हजार हात पार्नेछ भने उत्कृष्ट गोलरक्षक, सर्वाधिक गोलकर्ता र उदीयमान खेलाडीले जनही १०–१० हजार प्राप्त गर्नेछ । त्यसैगरी उत्कृष्ट प्रशिक्षकलाई पनि नगद ५ हजार पुरस्कारको व्यवस्था गरिएको आयोजकले जानकारी दियो ।