ठिगेपुर । आउँदै गरेको महिलाहरुको महान चाड हरितालिका (तीज) को अवसर पारी ठिंगेपुर युथ क्लब, फाकफोकथुम–१, इलामको आयोजनामा यही भदौ १९ देखि २४ गतेसम्म खुला सेभेन ए साईड पुरुष फुटबल प्रतियोगिता हुने भएको छ ।

फाकफोकथुम–१, ठिंगेपुर, इलाम स्थित स्थानीय खेलमैदानमा हुने प्रतियोगिताको यही भदौ १७ गते साँझ ६ बजेसम्म टिमदर्ता खुला गरिएको छ । साथै टिमदर्ता शुल्क १५०० तोकिएको छ । त्यसमा ५०० धरौटी रकम पनि बुझाउनु पर्ने आयोजकले जानकारी दियो ।

प्रतियोगिताको विजेताले उपाधिसहित नगद २० हजार हात पार्नेछ भने उपविजेताले १० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जानकारी दियो ।