काठमाडौं (एजेन्सी) । गत साता खेलका दौरान मैदान मै ढलेका उरुग्वेयन डिफेन्डर जुआन इज्क्वेर्डोको २७ वर्षको उमेरमा निधन भएको छ । प्रतिष्ठित दक्षिण अमेरिकी प्रतियोगिता कोपा रिबर्टाडोरेसको प्रिक्वाटरफाइनलतर्फ अगस्त २२ तारीखका दिन साओ पाउलो विरुद्ध खेल्ने क्रममा जुआन मैदान मै डलेका थिए ।

लगतै उनलाई अस्पताल पुर्याइएको थियो । यद्यपि उपचारकै क्रममा उनको मंगलबार निधन भएको छ । विभिन्न अन्तर्राष्ट्रिय सञ्चारमाध्यमहरुका अनुसार उरुग्वेयन क्लब नासनलका लागि खेलिरहेका जुआनको मुटुसम्बन्धी समस्या कै करण निधन भएको हो ।

खेलको ८४औं मिनटमा अचेत भई ढल्दा मैदानमा त्यतिबेला उनी अन्य खेलाडीहरुको नजिक नरहेको बताइएको छ । यद्यपि उनको पछि मैदान मै उपचार पनि गरिएको थियो । त्यसपछि उनलाई अस्पतालतर्फ लगिएको थियो ।