काठमाडौं । स्ट्रोङ फुटबल क्लब, क्यानडाको आयोजनामा यही सेप्टेम्बर १४ र १५ तारीखका दिन क्यानडाको लण्डन शहरमा दशैं कप फुटबल प्रतियोगिता हुने भएको छ ।

प्रतियोगिताको तयारी अन्तिम चरणमा रहेको समेत आयोजक क्लबका कमल बराइलीले जानकारी दिए । साथै इच्छुक क्लबहरुका लागि टिमदर्ता गर्ने अन्तिम मिति सेप्टेम्बर १२ तारीखसम्म तोकिएको पनि आयोजकले जानकारी दियो ।

आउँदै गरेको बडा दशैंको अवसर पारी क्यानडामा रहेको प्रवासी नेपालीहरुबीच फुटबलसँगै आत्मिता, भाईचारा कायम गर्ने उद्देश्यले प्रतियोगिता आयोजना गरिएको प्रतियोगिताको व्यवस्थापन गरिरहेका कमल बराइलीले बताए ।

नेपालसँगै क्यानडामा समेत शिक्षा क्षेत्रमा अग्रणी संस्थाका रुपमा लागिपरेको क्यानडा स्टडी सेन्टरको मुख्य प्रायोजन रहने प्रतियोगिताको विजेताले उपाधिसहित नगद १० हजार डलर हात पार्नेछ भने उपविजेताले ५ हजार डलरसहित ट्रफी, मेडल र प्रमाणपत्र प्राप्त गर्नेछ ।

त्यस्तै विधागततर्फ पनि उत्कृष्ट हुने खेलाडीहरुलाई उचित पुरस्कारको व्यवस्था गरिएको आयोजकले जनाएको छ ।