News पोतालाको लय जारी, इन्टरनेट सिटी र सक्षमलाई पनि सफलता
बिक्रम बानियाँ क्षेत्री

हेटौडा । यहाँ जारी मकवानपुर जिल्ला लिग फुटबल प्रतियोगिता अन्तर्गत उत्कृष्ट लयमा रहेको एफसी पोतालाले आफ्नो जितको लयलाई कायम राखेको छ ।

लिगतर्फ पोतालाले आरआरवाइसीलाई ४–२ ले हरायो । र, नकआउट चरणमा प्रवेश गर्ने सम्भावना थप बलियो बनायो । इन्टरनेट सिटीले महाबिर क्लबलाई २–० ले हराउँदा सक्षम एफसीले परेली युवा क्लबलाई २–१ ले निराश तुल्यायो ।

त्यस्तै हेटौडा भेट्रान्स र एफसी विजय युथ बीचको खेल २–२ गोलको रोमाञ्चक बराबरीमा सकियो । त्यस्तै यसअघि वर्षाले रोकिएको पिप्ले युवा क्लब र हेटौडा फुटबल एकेडेमी बीचको खेल सोमबार हुने लिग संयोजक युवराज लामाले जानकारी दिए ।

मकवानपुर जिल्ला फुटबल संघको आयोजनामा जारी लिग विजेताले उपाधिसहित नगद १ लाख हात पार्नेछ भने उपविजेताले ५० हजार प्राप्त गर्नेछ । कुल २८ टोलीहरुको सहभागिता रहेको लिगको समापन असोज ९ गतेका दिन हुनेछ ।

Post Comments