काठमाडौं । सहारा क्लब, हङकङको आयोजनामा यही सेप्टेम्बर २२ तारीखका दिन स्व. बिल तामाङ स्मृति दोस्रो सहारा कप एचके सिक्स ए साईड फुटबल प्रतियोगिता हुने भएको छ ।

हङकङ स्थित जोर्डन पार्क, काउलुन पार्कमा हुने प्रतियोगिताको टिमदर्ता पनि खुला गरिएको छ । साथै टिमदर्ता शुल्क २ हजार हङकङ डलर तोकिएको छ ।

प्रतियोगिताको विजेताले उपाधिसहित २० हजार हङकङ डलर हात पार्नेछ भने उपविजेताले १२ हजार हङकङ डलरसहित ट्रफी, मेडल र प्रमाणपत्र प्राप्त गर्ने आयोजक क्लबका सचिव कुमार गुरुङले जानकारी दिए ।