कोल्हुवा । विभागीय टोली नेपाल पुलिस क्लब, काठमाडौं यहाँ जारी सातौं राईनो गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको सेमिफाइनलमा प्रवेश गरेको छ ।

राईनो रंगशालामा भएको क्वाटरफाइनलतर्फ पुलिसले कपिलवस्तु–११, कपिलवस्तुलाई शून्यका विरुद्ध २ गोलले हरायो । पुलिसको जितमा दुवै गोल बिबेक पाण्डेले गरे । टोलीको जितमा नायक बनेका पुलिसका बिबेक नै म्यान अफ दि म्याच चुनिए ।

प्रतियोगिता अन्तर्गत कार्तिक ९ गते शुक्रबारको तेस्रो क्वाटरफाइनल खेल नमुना युवा क्लब, कावासोती र एपिएफ फुटबल क्लब, काठमाडौं भिड्ने आयोजकले जानकारी दियो ।

राईनो क्लब, मध्यविन्दु९४, नवलपुरको आयोजनामा जारी प्रतियोगिताको विजेताले उपाधिसहित नगद ८ लाख हात पार्नेछ भने उपविजेताले ४ लाख प्राप्त गर्नेछ । फाइनल खेल आउँदो कार्तिक १४ गतेका दिन हुनेछ ।