सन्दकपुर । बाल चर्तुदशीको अवसर पारी नालीफुङ्वा खेलकुद संस्था, सन्दकपुर–४, माबु, इलामको आयोजनामा मंसिर ७ देखि १५ गतेसम्म सातौं बालाचर्तुदशी कप खुला नकआउट फुटबल प्रतियोगिता हुने भएको छ ।

सन्दकपुर–४, माबु स्थित हाङ्मादेन खेलमैदानमा हुने प्रतियोगिताको मंसिर ४ गतेसम्म टिमदर्ता खुला गरिएको छ । साथै टिमदर्ता शुल्क ४५०० तोकिएको छ । त्यसैगरी प्रतियोगिताको खेलतालिका मंसिर ५ गते प्रकाशन गरिने पनि आयोजकले जनाएको छ ।

प्रतियोगिताको विजेताले उपाधिसहित नगद १,००,१०७ रुपैयाँ हात पार्नेछ भने उपविजेताले ५५,००० सहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फका उत्कृष्ट खेलाडीहरुलाई पनि उचित पुरस्कारको व्यवस्था गरिएको आयोजक संस्थाका अध्यक्ष राजु साउदेन लिम्बुले बताए ।

त्यसबाहेक प्रतियोगिता कै अवसर पारी विभिन्न साँस्कृतिक र मनोरञ्जनात्मक कार्यक्रमहरुको पनि आयोजना गरिने आयोजक संस्थाका सचिव रोशन साउदेनले जानकारी दिए ।