वाणगंगा । मोतिपुर प्रगतिशील युवा क्लब, वाणगंगा–७, मोतिपुर, कपिलवस्तुको आयोजनामा आउँदो मंसिर ८ गतेदेखि तेस्रो मोतिपुर फुलबारी कप खुला नकआउट फुटबल प्रतियोगिता हुने भएको छ ।

वाणगंगा–७, मोतिपुर स्थित स्थानीय खेलमैदानमा हुने प्रतियोगिताको मंसिर ६ गतेसम्म टिमदर्ता पनि खुला गरिएको छ । साथै टिमदर्ता शुल्क ६००० तोकिएको छ ।

प्रतियोगिताको विजेताले उपाधिसहित नगद १,०१,१११ रुपैयाँ हात पार्नेछ भने उपविजेताले ५१,१११ रुपैयाँ सहित ट्रफी, मेडल र प्रमाणपत्र प्राप्त गर्ने आयोजकले जानकारी दियो । त्यसबाहेक व्यक्तिगत विधाका उत्कृष्ट खेलाडीहरुलाई पनि पुरस्कारको व्यवस्था गरिएको आयोजकले जनाएको छ ।